麻甩佬
麻甩佬排隊搭巴士,見前面有打扮入時的女孩子, 立即企得好型, 單手插袋, 以"殺死人"的眼神, 凝視著女孩. 又唔知點解咀裏要發出極度難聽的jeep jeep 聲 (係好型O羊?), 由於必須將牙齒與咀唇摩擦方能發出如此聲響, 阿叔冷不防露出一副煙屎牙, 附以輕輕的嘆息聲, 好似好有深層思考, 憂國憂民O果隻. 登登登! 終極必殺武器---道具書一本, 可令成件事變得更高檔...可惜本道具書選得不太合適...是本張小嫻的小說.
posted by 沙拉阿姨 @ 10:45 pm
14 Comments:
呢ｄ場口，起碼都要有本「李天命的思考藝術」ｏ係手，而想洋化ｄ就可考慮「達文西密碼」，但最好是法文版．
之但係話得說回頭，拎本張小嫻點都好過拎岑凱倫ｏ既！
我prefer梁鳳玲O羅! O家O下睇緊Monster,你呢?
This comment has been removed by a blog administrator.
我份人無乜文化，主力都係睇壹仔多，仲要係衰到撻公司果本．
:p
oh! sorry! 係梁鳳儀O牙!
HJ, 我今日仲係勁牙痛.
咁你仲唔快ｄ睇牙醫？你知啦我地呢ｄ年紀，棚牙好重要架．．．
大仙,祝開張運吉~~~!
係你呢個重大既日子,本人有四個字贈你,
"搖頭嘆息", HAHAHA~~~~
敢問: 大仙認識羅區兄乎?
你自命"大仙",難道本人是不是你所認識的人也不能參透嗎......?真是令人搖頭嘆息哦.....
寫Blog最重要係內容, 認識唔認識又有乜問題呢?
無他, 見羅區兄貢吋問O下O者.
大姐,請用串instead of 吋!!!! hahaha~! btw,果位阿叔真係羅住本張小嫻....真是令人搖頭嘆息哦..... ~! hohoho
恭賀新blog開張, 生意興隆!
Post a Comment
<< Home