復活節的真義
現今的世代, 什麼節日也會被包裝為消費的好時節. 聖誕節等於聖誕老人、聖誕禮物, 復活節等於復活兔、復活蛋和四天公眾假期加超級豪華團. 但作為教友, 大仙還是相信復活節是有其他意義的.
在迎接復活節的四旬期, 神父通常鼓勵教友做克己補贖, 為耶穌復活作好準備. 多年前, 大仙曾經響應呼籲, 做了一件令自己無比自豪的事. 登登登木凳--- 就是戒零食. 當時想, 既然零食對身體無益, 不如嘗試在四旬期內把它戒掉. 期間可說是痛苦非常, 猶如戒毒. 不過, 好處很快便出現了: 不買零食, 荷包首先得益; 不吃零食, 吃正餐時自然比較開胃, 娘親自然高興. 最重要的是, 那年的復活節是我感受最深刻的, 真正明白復活的意義是要舊我先死去, 新我才能展現. 可惜今年沒此決心, 還望那幾天假期能過得較有意義, 不是白白浪費.
posted by 沙拉阿姨 @ 10:55 pm
6 Comments:
食零食本身不是問題，
食咩零食先係問題，
你搞錯晒啦！
貴客到訪, 歡迎歡迎!
咁你又食o的咩零食呢?
我都唔健康，
但其實要健康些並非想像般困難。
例如食餅乾食些少牛油的，
不要勁多朱古力，
食些梳打餅麥餅，
買零食買些獨立包裝的，
避免一開成包食晒，
有零食就請同事食分擔下，
準備去食飯就不要食零食，
知道有人請食下午茶時，
食午飯時就食少些，
真係飽就唔好為o左俾面唔食，
你咪直頭話結婚減肥o羅，
邊個夠膽阻你？
千祈唔好食宵夜，
訓覺前四粒鐘要空肚，
如果唔係身體要消化食物就訓得唔好，
又消化得唔好，
不要同自己講，
做o野辛苦食餐勁，
一餐食多o左下一餐就食返少D，
聽講過瓜子係一款好零食，
又唔肥又有營養，
不過唔係新年又食瓜子好似好怪，
可以考慮下食橙或者蘋果，
或者飲杯o野算數，
印象中你好似鍾意食熱氣o野，
咁就買小包裝啦，
去超級市場時只買心目中想買的東西，
不要係咪都去巡視零食，
想節省錢咪只買減價貨o羅。
零食o既o野越係提住自己要戒，
心癮越大，
你咪諗下食一粒朱古力都成100卡路里o羅，
自然會Guilty都唔敢食，
你做到晒以上就已經好威啦！
已經好少食熱氣o野lor. 一食就爆瘡, 食鬼咩!
至於計著自己一餐食多o左, 下餐食少o的, 就有o的難度.
喂! 食咩對腸胃好呀? 近排成日腸胃炎.
我唔係叫你計卡路里，
下下計住會好唔開心，
而係睇全日食o左幾多，
即係例如你今晚去食Buffet或者打邊爐，
咁你今日午餐就食少些，
第朝起身都仲飽咪又食少些咁解。
食芝麻糊可以潤腸，
我食得你都應該食得。
腸胃炎無非係食o左不太乾淨的東西，
只不過你腸胃敏感，
所以人地無事，
你就腸胃炎，
十成十你都係食o左刺身或者壽司啦！
刺身未必係唔乾淨，
但係始終係生o野，
你腸胃敏感，
少食為妙。
我有個朋友又係三兩個月就腸胃炎一次，
十次有八次都係因為食o左刺身。
我都算腸胃唔好，
但我係消化得唔好，
所以就要避免食難消化的食物，
即係食完覺得好"浪胃"o個D，
例如粉麵，麥皮同穀類食物，
食飯就最好。
大仙你已經年紀唔細，
不要再摧殘身體了，
要用一世的，
他日有錢享受，
都要有健康的身體才可以享受！
"大仙你已經年紀唔細，
不要再摧殘身體了，
要用一世的，
他日有錢享受，
都要有健康的身體才可以享受！"
絕對贊同. 所以現在積極找適合自己的運動, 希望養生保健. 都知道食刺身唔好, 但係衰任性. 由於年紀唔細, 以後應該可以定性o的. 多謝阿Cat關心.
Post a Comment
<< Home