香港小姐

近日電視台播放香港小姐集訓情形, 一位又一位佳麗在鏡頭前落淚. 其中一個環節要求佳麗分組以木伐下水, 事後訪問佳麗講述感受, 某佳麗哭成淚人, 內容大致如下:
“我見到XX(另一位佳麗)跌落水o果陣, 我好擔心佢o羅! (開始流眼淚) 我好驚佢有事o羅! (係咩? 片段裡面又唔見你驚o咼!) 我又好嬲自己, 唔可以過去幫佢o羅! (痛哭) (真o既? 好似見你衝去放木伐, 唔似想過去幫XX o咼!)”
如是者, 梨花帶雨的片斷不絕, 位位都咁感性, 點算?

直至有一位佳麗, 訪問中提到: “呢幾日所有佳麗都喊過, 不過我就冇o羅! 可能我個人比較樂觀啦!” 突然覺得此佳麗有如一股清泉(樣貌就...). 佢已經好成功突出自己了.

現在選港姐, 除樣貌身材外(觀乎近年賽果, 這兩項要求也未必能夠符合), 還要佳麗哭得漂亮有feel. 此外, 還問一條必問問題: “如果要你淘汰N位佳麗, 你會選哪位呢?” 要答得大方得體, 談何容易. 答得太肯定, 讓人感覺“殘忍冇愛心”; 答得太模糊, 讓人感覺懦弱冇主見. 做香港小姐, 現在還要考唱歌跳舞耍雜技.

Anyway, 你還記得四年前港姐冠軍的名字嗎?