麻甩佬傳奇 之 爆臭大叔
乘搭此路巴士已久, 早知早上某班車極可能遇見爆臭大叔, 奈何上班時間緊逼, 大仙惟有賭賭運氣, 期望千萬別要碰上爆臭大叔.
之所以能獲得“爆臭大叔”的美譽, 當然有其過人之處. 相對於平日經常嗅到的汗酸味, 臭狐味和魚腥味, 大叔身上的氣味就明顯有層次感得多, 醃製的過程亦相當複雜, 活像把一塊雪肉放在烈日下, 晒至冰塊差不多全溶掉的時候, 重新放入冰格急凍, 如是者重複十數次, 肉的內在都全腐壞了, 但外面仍是冰硬, 看似新鮮. 初嗅之, 主要是濃濃的雪藏肉味道, 只是有點不新鮮似的, 但再吸一口氣, 突然一陣惡臭襲鼻而來, 活脫就是腐爛肉類的氣味, 足以令人立即嘔吐.
說回來, 前兩天, 大仙終於有幸與爆臭大叔作近距離接觸 ---- 爆臭大叔竟選擇坐在大仙旁邊. 即使大仙身上時常帶備萬金油, 但奇臭威力之大, 實非普通藥油所能抵擋, 不久已彌漫全層. 大仙當然以9秒9極速逃到巴士上層去, 難為其他沒有敏感嗅覺的乘客, 還在呼呼的大口大口吸. 當他們意識到爆臭大叔的威力時, 樓上的座位早已滿座, 他們注定要守著下層這個惡臭車廂.
posted by 沙拉阿姨 @ 11:34 pm
18 Comments:
正所謂木生火, 金克木, 相生相克, 大仙係注定碰上這類人。
N年前聽過岑健勳的節目說, 只要你口含一件臭豆腐, 可頂天下臭氣。大仙不妨試試。
BTW，那巴士是幾多號路線？
未知大仙有否聽過"攻擊是最佳的防守"?建議大仙可以唔沖涼,洗頭,刷牙,洗面一周,然後再"伏"阿叔.到時兩強列陣,你未必冇贏面.
不過建議最好在此期間向公司請假,唔好臭親我地.同埋只留守屯門區,唔好"貢"出市區.拜託!
阿大仙,睇完你篇文章後突然覺得好想嘔呀,可能你的描寫實在太逼真啦,好似真係嗅到貢呀!!!!
木子四, 路線為61X. 馬鞍山居民應該好安全.
連檸樂味紅盒裝萬金油都無用武之地, 大叔之味道濃度實在嚴重!! 唔知佢自己知唔知架呢? d 人話如果個人有鼻竇炎就聞唔到野, 佢會唔會係呢?
呀...阿曾 sir 話過咩去國貨公司買唔知咩粉搽, 話咩一個禮拜用三數次, 持之以恆就會根治...你大可以向佢推介一下! 造福一眾乘客啊~
為咗「中和」下個blog，不如大仙第日介紹下養眼醒神嘅靚仔好冇？
懶貓,咁我肯定大仙下期會推介變形俠醫或者183 CLUB的明道（王子變青蛙）；ｐ
本人乃菊前輩新近"an-road"的讀友，對閣下的語言駕馭能力甘拜下風。從沒想過可以這般有層次去形容氣味!!
整個第二段乃本人的「賣飛佛」，可以成為會考讀本，堪稱「連人帶味一齊來」！
建議大仙：
1)早些起床或遲些出門避開那班車；
2)充分利用其他organ of sense，分散自己的注意力，例如聽收音機或MP3，一次過食十粒Airwaves，搵其他搭長途車的朋友傾電話；
3)戴非典時期號稱最勁的工業用口罩。
語言能力爆燈的伍卓義, you are welcome. 被伍兄稱為前輩, 真不敢當. 希望將來繼續創作更多的「飛佛」.
哈比小姐, 紅盒裝萬金油乃「賣飛佛」，檸樂味, 正o阿!
雖你強力推介阿曾 sir 話過去國貨公司買到o既"唔知咩粉", 但由於連你都唔知係咩粉, 大仙真係好難幫到你!
祝你返新工愉快!
懶貓, HJ, 大仙命格所致, 經常遇上經典麻甩男, 你o地恨唔到咁多o架o剌!
Cat, 多謝建議, 大仙跟爆臭大叔, 只望不再遇上.
e?大仙,憑你係第二段既形容,我有理由相信你曾經做過多次既實驗以得出既結論~
yen兄好似有興趣試味wor!
哎呀!! 阿大仙...我話你知有唔知咩粉係想幫你架....你話佢知, 然後佢用, 跟手你咪以後就唔會再坐到有味巴士嘛!! 既然係咁, 等我 dl 返黎聽先~ 阿曾 sir 真係個個禮拜都講一次架~~
講起返新工, 我都係覺得有你 funny 好多~~ 而家我要改 image, 做個正經小魔女!
Yo, 正經小魔女???? 哈比小姐, 小心遲早現形. 哈哈哈! (旺旺~小小酥!)
Cat小姐:
我唔認為大仙可以早起但我絕對認為大仙可以遲出門口~!係我紀錄上大仙係遲到既同義詞~!!!!
Post a Comment
<< Home