Of 菊大仙 & You

B for Beef; C for Chicken; P for Pork; Don't live like a log; So, Start a blog.

Tuesday, May 29, 2007

推銷員呀推銷員

個案一
(豪氣地) 見就o黎收鋪, 計你平o的啦! 我當交個朋友. (朋友? 朋友我當你一世朋友~)

個案二
(細細聲) 第個我就真係無得傾o架o剌! 見係你咋. 計平o的俾你啦! (好似第一次見面…咁熟?)

個案三
(電話推銷酒店會籍) X小姐, 唔緊要, 你今年用過我o地o既服務, 唔滿意的話, 下年我唔會再sell 你. 再打電話俾你, 我就當同朋友傾偈, 唔會話俾我上司知. (又係朋友?)

個案四
(大拍賣) 見大家咁識貨, 我今日一百蚊唔收你, 八十蚊唔收你, 六十蚊都唔收你. 今日我大贈送, 收你蝕本價… 四十蚊, 仲送你易潔萬用擦一個... 我私人醒o既! 邊個要? 邊個要? 你, 你, 你 ( 企在摺上手指指) 無問題, 呢面排隊. (真係好抵呀… 同十蚊店果件好似都差唔多喎!)

4 Comments:

At 6/04/2007 11:18 pm, Anonymous Anonymous said...

o係做緊"泡毛唇"先至咁抵o架o乍, 平時一支cream 都要$270 啦, 而家有埋支 "波 d 撈唇"同精華素, 都係 $580, 真係好抵o架....

[事主落搭 ....]

o依, 你爭 $20 就可以"給"多個印仔, 不如你睇下有咩o岩, 唔好"side"嘛 .. 你駛唔駛配支洗頭水, 我地o既洗頭水幾好0架 ...

[事主再落搭 ....]

多謝你 $920, 依家一次過買夠 $1000 可以即時"給"多兩個印仔, 仲會有個袋送俾你, 個袋都幾好o架, 特別版0黎o架, 你買多舊番鹼就o岩o岩好 ...

**最終事主由原本打算花費 $270, 變成 $1020, 而得到的是一張"給"了印仔的卡、洗頭水一支(根本平時只會用 $40 大大支的)、 番鹼一舊 (平時用Dove 而不是 "oh Shit" 異型沐浴露已經好叻的了), 及唔知有咩咁特別的袋一個 ....

 
At 6/05/2007 12:53 am, Blogger Helmet Jane said...

木子....希望並非事主親身經驗.阿彌陀佛!

我又試過咁:
事緣只係放假期間,八卦想睇唇膏.留意,只係想睇,唔係想買.

小姐,其實你d皮膚都ok,不過係對眼攰d囉.我地出左一隻新既eye cream好好架,係我地既皇牌,我自己依家都有用.包唔會生油脂粒,同埋去眼紋.幾錢?$380?(咁比支我啦).

但係如果你單用呢支,個效果就冇發揮得咁好.最好你配埋呢支essence,咁就真係一流.

但係$480? 好細支之喎!

小姐,一分錢一分貨,我都想你靚架麻,係咪先.呢支精華素唔貴啦,佢入面有xxx素同yyy花成份(成位完全可忘記),可以幫你舒緩,淡斑同去黑眼圈,冬天仲可以當埋eye mask用.
平日用佢只係用一粒黃豆份量就夠,所以有排用.我自己早晚用,都用到成半年.眼好勁架.

阿小姐,你平時有冇化開籹?我地最近出左隻mascara好好架喎.係皇牌product,防水防油,游水都唔會化.成套連埋個base都係$280,真係超抵.先排全線斷哂,剛剛先番貨咋.

如是者,原本只係八卦哄下(再重申,冇plan過要買任何野)個護膚品counter,變成擺低成四位數字銀兩先撇得.但再回心一想,最大問題係:

1. 點解隻隻貨都係皇牌product;
2. 點解三唔識七的sell屎咁"想我靚";
3. 點解最終我d眼紋都係咁多,個眼圈都係咁黑,個樣都係咁殘;
4. 點解咁多次之後,都依然仲會落疊?

*所以如果有朝一日自己做生意,唔駛諗,我一定要賺女人錢!

 
At 6/05/2007 10:52 am, Anonymous Anonymous said...

sell 屎可能係陳博士化身 (呢 ... 即係美的代言人、全球最值得信任的人呢 ...), 唔係點會將心比己,都想你靚?

 
At 6/05/2007 9:49 pm, Blogger 沙拉阿姨 said...

木子四&HJ, 不要忘記, 你們是社會之光. 香港由一個小小的漁港, 發展到有今日o既經濟成就, 你o地真係功不可抹...

(妙昔)香港始終有你, 虔誠地熱戀一世紀...(因為你在這裡)...感謝你,小天地,創天地~~

 

Post a Comment

<< Home