麻甩佬2

每天排隊等巴士, 總會見到chevignon 阿叔. 此叔名從何來? 妙哉! 正是阿叔每天均穿著令他顧盼自豪的貼身chevignon 牛仔褲. 照我粗略估計, 阿叔條腰最多得27吋. 除了纖腰之外, 另一個阿叔的自信泉源就是他一頭比曾江用了美源髮彩後更烏黑的秀髮, 配以2-8分界髮型, 簡直係一絕. 欣賞之餘, 有一件事我真的看不過眼, 佢竟然……"攝"衫, 仲要係件白裇衫"拋拋"哋o果隻. 自知魅力非凡, 故經常叉腰或插袋, 環迴360度視察四週有否傾慕的目光, 搜索到傾慕者之後, 便報以殺…死人的眼神.

上車後, 阿叔坐在近走廊的位置, 開始撥弄他的一頭秀髮. 到了第二站, 一個背背囊的肥仔上車, 想坐進阿叔對入的座位, 阿叔竟然扮睇見唔到, 肥仔只好知難而退. 隨後上來一位OL上班女郎, 阿叔即時禮貌週週的讓開.

以chevignon阿叔出眾的外型和高尚的情操, 你能不心動嗎?