老友們, 多謝您!

今日突然好想好似奧斯卡得獎人咁o係度多謝o的朋友. 大仙本性孤僻, 頗慢熱, 真係睇到好定才會熟起來, 加上周身稜角, 咀巴不饒人, 容易踩親人o地條尾. 所以今時今日依然同大仙friend o既都真係有情有義好朋友. (音樂起: 人生有個真正朋友的確好極!) 大仙算好幸運, 經常遇到品性純良就得人一族, 受得住大仙o的神經質行為, 且以誠相待.

大仙喜歡放工後六點幾, 才急call 老友出o黎飲o野. 這種游擊約人法, 自知有點擾人, 可幸老友不離不棄, 多少個晚上就是如此暢飲歡聚, 談天吹水, 不亦樂乎. 還有大仙獨家賣點: 一到晚上十二點便自動熄機, 不能夜蒲, 多年來不知掃了多少友儕的興.

經過時間的洗和磨練, 友誼變得越醇厚甜美. 現在年紀一把, 思想比較成熟, 更學會珍惜身邊的人和情. 將生命書一頁一頁的翻過, 不同的朋友在大仙心中留下各種印記, 都值得回味.

真的好想說一句: 老友們, 多謝您!