傳媒眼中的霍金
物理學巨人霍金訪港, 鋪天蓋地的報導. 然而, 意欲為何? 香港有多少人聽得明白? 為了湊熱鬧, 有學生專誠修讀雞精班準備. 如果讀雞精班可以明白黑洞理論, 學者何須窮一生的精力做研究?
學術理論太深奧, 傳媒只好將焦點放在那些“通識”範疇 – 即牛頭角順嫂也能明白的題目, 如人殘志不殘, 如何使用語音合成器, 語音合成器口音為何, 霍金身邊女助手的衣著, 霍金入住的酒店和享用的菜式等等. 就連講座中的問題也不見得專業對題. 如果著眼點如此“通識化”, 何須高調邀請一代學人, 隨便找一位知名人士即可. 天天看八卦花邊新聞, 還不夠嗎?
香港傳媒的功力, 實在深不可測. 不論什麼題材, 落在他們手上, 也可以“壹仔化”, “便利化”. 多深奧的課題, 他們也能淺入淺出, 令讀者水過鴨背, 全無壓力. 不論題材, 也灑點鹽花, 更sell. 怎樣的傳媒, 孕育怎樣的讀者. 香港這片地, 還會有深度嗎?
posted by 沙拉阿姨 @ 1:00 am
10 Comments:
都係o個句, 淺o既唔需要由佢講, 深o既無人聽得明. 報紙 quote o左d當日演講Q&Ao既問題, 有一條係重力會唔會扭曲光線, 我覺得問霍金英格蘭贏唔贏到世界盃比問呢條問題好得多, 至少你有機會 challenge 一下世界上其中一位IQ 最高o既人. 重力會唔會扭曲光線? 神經博士愛因斯坦話會, 亦都 prove o左係會, 無o野好講啦.
香港d報紙成日話霍金勁, 點勁呢? 你又唔講過我知, 佢讀書讀邊科又唔講, research topics 係乜又唔知. 我估問o個d日日跟住 Professor Hakwing d記者Stephen Hawking 打緊乜o野工, 十個可能有八個唔知, 成日淨係影 professor d 女看護, 仲要1/4版咁大.
當見到巴士阿叔都可以做頭條,兼且有無數報章雜誌同佢做專訪既時候,你就知道香港既傳媒有幾病.
病態社會,病態市民,病態傳媒.全部一條路,正!
不過究竟係有雞先定係有旦先...就只有天知!
昨日報紙報導, 霍金的華人男看護酸溜溜的投訴, 說香港傳媒將焦點放在兩位女看護身上, 篇幅不斷, 但他只照得背面, 很不公平.
Well, 怪只怪他不能滿足香港傳媒對女性胸部的嚴重渴求吧!
昔日李麗珊羅風帆冠軍，
一大班人話要學風帆；
跟住出了乒乓孖寶，
又有一大班人話要學乒乓波；
跟住我國有太空人登陸月球，
又有人話大個要做太空人．．．
這就是香港人，
永遠只留意偉人的成就，
而睇唔到他們付出的努力。
Cat, 從好的方面想, 希望真有一兩顆種子埋在了年輕人的心中, 他日再有一個李麗珊, 一對乒乓孖寶同一堆太空人, 說當年因偶像, 啟發了自己的理想潛能....
你都講得o岩，
我又無諗過。
BTW，成日我Post完都無人留言，
好似阻住你o地
再係咁我唔留算了。
Cat 小姐: 唔好太敏感啦,基本上無人reply既唔係你,係大仙law~ hehehe
yen, 多謝你o咼! 真係好有見地 "o"
Cat, 千祈唔好咁諗. 上次講waterloo 咪幾好. 如果你又唔 reply, 個個都唔答, 大仙個blog可能要摺o架!
懶貓搭咀嗰陣都好少人reply，不過一樣樂此不疲，呵呵…
我當你o地講真o架啦！
希望這些不是恭維說話:p
Post a Comment
<< Home