來! 我們乾杯!
一宣告有喜, 禁令即至. 最要大仙的命的, 要算是食物禁令. 大仙生性異常為食, 尤好魚生冷飲西瓜煎炸食品. 至今, 已有兩個多月魚生勿近, 皆因醫生下令, 生的、冷的食物, 一律禁止, 以免感染細菌, 影響BB. 西瓜寒涼, 碰不得; 芒果熱毒, 碰不得; 聽說媽媽吃香蕉, BB一口痰, 碰不得; 咖啡汽水茶含咖啡因, 對BB成長不利, 碰不得; 木瓜乃孕婦大忌, 碰不得; 牛肉對BB皮膚不好, 碰不得; 辣的會刺激BB, 碰不得; 羊肉不知為什麼, 碰不得.
如今主要食糧為: 牛奶 – BB皮膚白雪雪 (但大仙飲到口where where) ; 芝士 – BB骨骼更健康; 蘋果 – 補充鐵質; 菜 – 主要幫媽媽便便; 魚 – 含豐富蛋白質; 罐頭忌廉磨菇湯 – 少有大仙喜歡而依然能吃的食品, 一定要好好珍惜 (每次大仙也能一人喝下整罐湯). 啊! 真的好清純啊! 又解作“真係悶到嘔呀!”
來! 我們乾杯 (鮮奶)!
posted by 沙拉阿姨 @ 2:24 pm
6 Comments:
羊肉唔食得,主要係以前d人話食咗之後,第時BB會易發羊吊,不過堅定流就唔知.
仲有,大肚千祈唔好食蘆薈.至於綠葉蔬菜﹑肝臟﹑蛋黃等食物則含有葉酸,綠葉蔬菜多吃點,後兩者就酌量吃嚇啦!
話時話，如果有一日首領我大肚，日日要我飲奶同食芝士，真係喊出黎都有之．
ＢＴＷ，不用奇怪點解我會有呢D知識,因為我
一個好學的首領．資料詳情可參閱:
http://health.wedar.com/show.asp?id=689
加油！撐撐撐撐撐！！！
以前有個皮膚頗黑嘅舊同事，佢話兄弟姊妹全部皮膚白雪雪，原因係每次佢媽媽大肚，都會飲鮮奶，唯獨是陀佢嗰陣，鍾意飲咖啡喎。
都咪話唔信邪呀～～
食芝士旦糕得唔得？
恭喜恭喜..小姐有喜..
生個健健康康BB..
我為左你好,我同你地出來食飯,我會食晒你唔不可以食個d野啦....哈哈
有幾位朋友在懷孕時什麼東西都食..魚生,雪糕,汽水,零食,甜酸苦辣,任何肉類海鮮,甚至火鍋全都食,完全沒有介口.她們的BB現在全都十分健康,一切正常.所以我相信只要均衡飲食就可以.
大仙, 睇下幾時方便見個面, 大家一齊飲杯............................鮮奶~~
好彩, 大仙終於o係困景之中找到了一條小小出路 -- 煙三文魚又熟, 又有營養 - omega 3 對bb腦部發育又有益...wow！ 人生終於有番o的樂趣. (不過價錢好貴, 有o的肉痛!)
Post a Comment
<< Home