大仙媽媽好吽哣
大仙媽媽自從懷孕以後，一天比一天吽，每天也如墮萬里霧中，腦筋越覺遲頓。早上起來，只覺被人打了一身，由頸至腰都異常僵硬，一點也不像休息了一整個晚上。亦因疲累如此，根本沒有什麼心情打扮。孕婦衣裝一點也不便宜，只買了寥寥數件，根本沒有甚麼配搭可言，天天也差不多一個樣子，有時連耳環也忘記戴。一副惺忪睡眼，加上日益肥胖的身軀，連朋友也看不過眼，認為大仙正逐步步向肥師奶的境地，頻勸大仙積極一點，改改個look。
眼見有些媽媽精靈非常，照樣留長頭髮，燙曲髮，塗指甲，新裝天天不同，精神飽滿，行動迅速，大仙也有點羨慕。但始終人人懷孕的過程經歷不同，也許我的孩子正在努力吸取我的營養，才令我吽哣如此。如果真的是這樣，大仙吽一年，換來孩子健康精靈活潑，也是化算的交易啊！
posted by 沙拉阿姨 @ 4:23 pm
11 Comments:
大仙媽媽~ 有冇去過 bossini 睇過 d 大肚婆衫? 我見到都唔係好貴咋啵...話晒都係連索店嘛~ 之但係呢, 唔係間間都有囉...我知嘅呢近旺角百老匯隔離間就有喇!! 你可以試吓去睇睇啊~
我覺得其實心理因素都有好大影響,嘗試唔好成日"形"住自己吽哣,應該會好d.當然唔係話叫你去打波跑步,但出去散吓步,食吓野,買吓衫都好,起碼扮吓靚,自己都開心o丫o麻!
bel bel, 我都有幫襯bossini，不過多數係灰同黑咁囉！
HJ,大仙會嘗試調整下，盡力啦！你也要努力呀！
這是一個過程, 是要時間去適應和接受. 我上次也為身形外貌惱了很久.
多點與人分享你的感受, 特別是俠醫要對你有多點正面的肯定, 好有幫助的.
time will pass. all will gone after the birth of bb.
: )
近日真的很不開心，自有BB已來，行動緩慢，沒有精神，外表越來越糟，經常渴睡，情緒也很容易波動，什麼也不能吃，又不敢隨便看電影，怕影響BB，又怕到戲院人多易碰撞又有細菌，人生真的沒有什麼樂趣，又覺得自己沒用。還有四個多月，不知怎捱。終於明白為什麼孕婦會有產前抑鬱症。
大仙,唔好太緊張...如果小朋友未出世就已經好緊張,生左出o黎之後只會更加嚴重.放鬆d,我覺得只要平時小心點,好好打理身體,早點睡,食得好,應該問題不大.銅鑼灣夠勁大煙大塵啦,其他準媽媽咪又係照行照shopping? 仲有四個多月啫,努力呀!
大仙,放鬆D拉!
個個大肚婆都緊張BB家拉,只是程度上有分別!千萬別把全部精神時間於在一件事上!
行街睇戲食飯乜都得,過D正常平常生活,對BB對你對俠醫都係件好事!
共勉之!!
見你咁小心, 知你是好媽媽,你身體的反應好正常. 每一位準媽媽也是這樣的.
但大肚不等如坐牢,
你enjoy, BB enjoy.
天生天養,
找一些準媽媽訴訴苦水, 感覺會好一點的
baby kingdow 是一個分憂的網位, go & share.
得閒嚟探下我隻貓，或者心情會好啲架～～
濕地公園景色怡人，平日有時間，不妨過嚟散下步。
又或者叫俠醫得閒同你按摩下，同樣有舒緩情緒嘅功效。
心情開朗，個B至會笑口常開架！！
多謝各位關心。果少少抑鬱主要係因為實在太累了，每天只得半條人命，day day 都咁眼瞓，但係想到BB會好得意，就有力撐落去。
下次搵你哋解悶，就唔好推我啦！
Post a Comment
<< Home