令我呼叫? 令我心跳!
港男選舉剛剛完畢, 但並不圓滿. 收看了的自然明白.
全體女評判如狼似虎, 盯著準港男個body, 驚呼尖叫. 準港男為回饋廣大觀眾, 谷胸收腹, 贈送誘惑動作表情. 某大學女教授接受女主持訪問, 表明自己支持健力組, 因為“佢有肌肉, 而我o地(女士們)係喜歡有肌肉o既, 所以我會選健力組.” 簡直是女性潛藏慾望大爆發 – muscle, muscle, muscle.
但大會規定, 要展現港男的"智慧", 固準備了智識題. 能答對, 不一定很有智慧, 但答不上, 肯定很尷尬. 結果三個“火羅”哂, 仲要死撐. 三位女主持面對前所未有一條都答唔中的獨有場面, 厚著臉皮, 繼續叫現場觀眾尖叫歡呼, 為自己心水投票. 大仙心想: 仲有乜好投? “火羅”成咁, 個body幾得都冇用o拉!
大仙提議, 不如下年加入健腦組, 雖然可能唔打得又唔睇得, 但至少答題部份有人搭得上咀.
8 Comments:
由此可知點解男人覺得女人身材好就無腦,
道理一樣。
我冇睇港男,因為覺得成班候選人異常騎呢,兼有嚴重MK FEEL. 直情懶得睇!
不過話說回頭,成件事其實有點似去club睇"科騷".男人去"選美"這個概念基本上我冇異議,不過個presentation同格調係咪可以高番d呢.
"我冇睇港男,因為覺得成班候選人異常騎呢,兼有嚴重MK FEEL. 直情懶得睇!" (quote of HJ)
如果呢個係香港男士質素的指標, 或者係norm, 咁真係好有問題.
Cat, 睇完"男人之苦"Rocky兄的演出, 心裡贊同大隻的男人多數騎呢.
都係果句,如果你又俊,又有body,又有成就,仲腦筋急轉彎,你會唔會出嚟選港男呢?又或者你身邊果個係貢嘅人才,你會唔會提佢名吖?
一樣米,百樣人啦!睇吓笑吓,借啲椅叫你身邊人收收身,不錯吧?!
佢哋有嘅勇字,你我拍咩都追唔上囉!
蜜絲拾拾, 大仙都想阿邊個收收身. 不過...
大仙,你位”阿邊個”都ok啦,成條藤咁又未必好睇啫.老公要夠穩重,有點福氣先好既!(我諗木子四會非常同意)
再加埋佢仲有頭髮,達哂標啦!
哈哈, 我在此代"阿邊個"向HJ 謝過. 話時話, 佢真係幾有福氣架! 而木子四亦已經身體力行證明左佢對福氣o既執著.
Post a Comment
<< Home